لاہور(آئی این پی) محکمہ خزانہ نے پنجاب بھر کے سکولوں کا معائنہ کرنے کیلئے 48 کروڑ 85 لاکھ روپے کے فنڈز جاری کردیئے‘ فنڈز انسپکشن الاؤنس کے طور پر اسسٹنٹ ایجوکیشن آفیسرز میں تقسیم کیے جائیں گے، لاہور کیلئے بھی 90 لاکھ روپے جاری کیے گئے۔تفصیلات کے مطابق جاری کیے گئے فنڈز میں سے فیصل آباد کے لئے 1 کروڑ 30 لاکھ روپے، جھنگ کے لئے 1 کروڑ 20 لاکھ، چنیوٹ کیلئے 68 لاکھ،
قصور کیلئے 1 کروڑ 30 لاکھ، جہلم کیلئے 1 کروڑ 38 لاکھ، لیہ کیلئے 1 کروڑ 59 لاکھ، اٹک کیلئے 1 کروڑ 64 لاکھ روپے جاری کیے گئے علاوہ ازیں بہاولنگر کیلئے 2 کروڑ 32 لاکھ روپے، بہاولپور کیلئے 1 کروڑ 95 لاکھ، بھکر کیلئے 1 کروڑ بارہ لاکھ روپے جاری ہوئے یہ فنڈز اسسٹنٹ ایجوکیشن آفیسرز کو دور دراز سکولوں کا بآسانی دورہ کرنے کے لئے فراہم کیے گئے ہیں۔
