نئی دہلی (این این آئی)بھارتی میڈیا نے اپنی رپورٹ میں کہا ہے کہ بھارتی جاسوس کلبھوشن جادیو کے معاملے پر عالمی عدالت انصاف میں جانے کا کوئی فائدہ نہیں ہو گا۔تفصیلات کے مطابق بھارتی ایجنٹ کلبھوشن جادیو کو سزائے موت سنائے جانے پر مودی سرکار بوکھلاگئی ہے ٗ نئی دہلی سرکار کی جلد بازی کا پول بھارتی میڈیا نے کھول دیا ہے ٗبھارتی میڈیا کے مطابق پھانسی پر عمل درآمد روکنے کیلئے بین الاقوامی عدالت کو حکم دینا ہوتا ہے

ٗاس معاملے میں ایسا نہیں ہوا۔بین الاقوامی عدالت کے مراسلے سے واضح ہے کہ آئی سی جے کے فرانسیسی صدر نے پھانسی پر عمل درآمد روکنے کا کہاجبکہ بھارتی میڈیا خود اعتراف کررہا ہے کہ ایسا کوئی بھی فیصلہ یا حکم نامہ بین الاقوامی عدالت کی جانب سے جاری کیا جاتا ہے ۔اس سے پہلے بھارتی میڈیا نے خبر نشر اور شائع کی تھی کہ انٹرنیشنل کورٹ آف جسٹس نے بھارتی حکومت کی درخواست پر کلبھوشن جادیو کی پھانسی پر عملدرآمد روکنے کا حکم دیا ہے۔

موضوعات:بھارت پاکستان کلبھوشن یادیو