اسلام آباد (مانیٹرنگ ڈیسک )جے آئی ٹی کے کام شروع کرتے ہی وزیراعظم نواز شریف چاروں وزرائے اعلیٰ کے ہمراہ چین روانہ ہو گئے۔ تفصیلات کے مطابق نجی ٹی وی پروگرام میں گفتگو کرتے ہوئے دو دن قبل ڈاکٹر شاہد مسعود نے انکشاف کیا تھا کہ جے آئی ٹی سے بچنے کیلئے
نواز شریف کے غیر ملکی دورے شیڈول کر دئیے گئے ہیں اور نواز شریف جے آئی ٹی کے سامنے بھی پیش نہیں ہونگے۔ جبکہ جے آئی ٹی نے پانامہ پیپرز سے متعلق بیرون ممالک سے تصدیق شدہ دستاویزات کے حصول پر غور شروع کر دیا ہے۔ وزیراعظم نواز شریف کے دورہ چین میں ان کے ساتھ خاتون اول بیگم کلثوم نواز ،چاروں صوبوں کے وزراءاعلیٰ ، وزیر خزانہ اسحاق ڈار ، مشیر خارجہ سرتاج عزیز ، خرم دستگیر ، احسن اقبال ، خواجہ سعد رفیق اور انوشہ رحمان ہمراہ ہیں۔وزیر اعظم 14 اور 15مئی کو بیلٹ اینڈ روڈ فورم برائے عالمی تعاون کے اجلاس میں شرکت کریں گے۔فورم میں 27ممالک کے سربراہان مملکت شرکت کریں گے۔چین کے ساتھ پاکستان کے سی پیک سے متعلق کئی پراجیکٹس کے ایم او یوز اور معاہدوں پر دستخط کئے جانے کا بھی امکان ہےجبکہ دورہ چین کے دوران وزیراعظم ہانک کانگ بھی جائیں گے۔فورم میں 27ممالک کے سربراہان مملکت شرکت کریں گے۔چین کے ساتھ پاکستان کے سی پیک سے متعلق کئی پراجیکٹس کے ایم او یوز اور معاہدوں پر دستخط کئے جانے کا بھی امکان ہےجبکہ دورہ چین کے دوران وزیراعظم ہانک کانگ بھی جائیں گے۔
