اسلام آباد(مانیٹرنگ ڈیسک) محکمہ موسمیات نے آج ملک کے بیشتر علاقوں میں موسم گرم اور خشک رہنے کی پیشین گوئی کرتے ہوئے کہا ہے کہ اس دوران کوئٹہ، ژوب، مکران، سکھر، لاڑکانہ، شہید بینظیرآباد، ڈی جی خان، ڈی آئی خان، مالاکنڈ، ہزارہ، مردان، پشاور، راولپنڈی ڈویژن، اسلام آباد، فاٹا، گلگت بلتستان،کشمیر میں بعض مقامات پر تیز ہواؤں/آندھی اور گرج چمک کے ساتھ بارش کا امکان ہے۔

رپورٹ کے مطابق اگلے 2روز کے دوران ملک کے بیشترعلاقوں میں موسم گرم اور خشک رہے گاتاہم کوئٹہ، قلات، مکران، سکھر، لاڑکانہ، کوہاٹ، بنوں ڈویژن، فاٹا اور کشمیر میں بعض مقامات پر تیز ہواؤں اور گرج چمک کے ساتھ بارش ہو سکتی ہے ۔