اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار عارف نظامی نے کہا ہے کہ پاکستان کے جتنے سویلین حکمران ہیں وہ سب پیروں کے پاس جاتے ہیں۔ انہیں یہ بھروسہ نہیں ہوتا کہ کب بوٹوں کی چاپ سنائی دے اور ان کی چھٹی ہو جائے۔ اسی طرح عمران خان بھی اپنی ایک پیرنی بشریٰ بی بی کے پاس جاتے ہیں اور عمران خان کے صرف دو مسائل ہیں۔
ایک مسئلہ ان کا ذاتی ہے کہ ان کی اب کب شادی ہوگی اور دوسرا مسئلہ یہ ہے کہ وہ کبھی وزیر اعظم بنیں گے بھی یا نہیں؟ یہ وہ دو سوالات ہیں جن کیلئے عمران خان اپنی پیرنی کے پاس چکر لگاتے رہتے ہیں۔ عارف نظامی نے کہا کہ عمران خان کی تیسری شادی کا معاملہ بھی ان کی پیری کے ساتھ جڑا ہوا ہے، ان کا اس میں انتہائی اہم کردار ہے۔
