اسلام آباد(مانیٹرنگ ڈیسک) سوشل میڈیا پر جاری ایک وڈیو کے مطابق وزیر اعظم نواز شریف کے سابق مبینہ اے ڈی سی میجر خالد نے کہا ہے کہ میں نے میاں صاحب کو لیہ میں تقریر کرتے ہوئے سنا کہ ہم دوستوں کے دوست ہیں اور ہم دوستی نبھاتے ہیں، یہ سن کر مجھے بہت عجیب لگا اور میں نے سوچا کہ میں قوم کو حقیقت بتائوں۔ میاں نواز شریف کیا کسی کے ساتھ دوستی نبھائیں گے؟ دوستی تو ان کے ساتھ ہم نے نبھائی ہے۔

جب سب لوگ میاں نواز شریف کو چھوڑ کر بلوں میں گھس گئے تھے تو اس وقت صرف ہم ان کے ساتھ کھڑے تھے۔ ہم نے میاں نواز شریف کی خاطر اپنا فوجی کیریئر تک تباہ کر دیا۔ میجر خالد کا کہنا تھا کہ میں نواز شریف کو یاد دلاتا ہوں کہ عید الفطر کے دن 2001 میں مسجد نبوی میں جو ہماری ملاقات ہوئی تھی اس میں کیا بات ہوئی؟ اس راز کو راز ہی رہنے دیں؟ میجر خالد نے کہا کہ میاں صاحب میری آپ سے گزارش ہے کہ اب پتہ نہیں زندگی کتنی باقی ہے اس لئے اپنی آخرت سنواریں اور منافقت اور جھوٹ چھوڑ دیں۔

موضوعات:میاں نواز شریف