نئی دہلی،سرینگر(مانیٹرنگ ڈیسک)بھارتی فوج نے کنٹرو ل لائن پر پاک فوج کے مبینہ بنکر تباہ کرنیکی ایک خودساختہ ویڈیو جاری کردی۔بھارتی میڈیا کے مطابق یہ ویڈیو گزشتہ ماہ کی ہے تاہم بھارتی دفاعی ماہرین نے کہا کہ یہ ویڈیو کس سیکٹر کی ہے یہ نہیں بتایا جاسکتا۔بھارتی میڈیا کے کچھ حلقے ایک منٹ کی اس ویڈیو پر سوال اٹھاتے رہے کہ اس سے کچھ ثابت نہیں ہوتا،پاکستان کے دفاعی ماہرین کے مطابق یہ سرجیکل سٹرائیک جیسا نیا بھارتی ڈرامہ ہے ۔

اس ویڈیو سے کچھ ثابت نہیں ہوتا۔ادھر مقبوضہ کشمیر میں سرچ آپریشن اور کشیدگی کے باعث بھارتی فوج نے سرینگر مظفرآباد بس سروس معطل کردی ہے ۔بس نے سرینگر سے صبح سات بجے 14مسافروں کیساتھ سفر شروع کیاتو لائن آف کنٹرول کے قریب بارہ مولا کے علاقے باندی میں قابض فوج نے بس روک لی ۔اسلام آباد سٹیشن پر 5افراد سوار ہونے کے منتظر تھے کہ فوج نے بس کو آگے نہ جانے دیا۔

موضوعات:بھارت پاک