اسلا م آباد(مانیٹرنگ ڈیسک) ایرانی طالبعلم رضا پرستش اپنے پسندیدہ کھیل کی ہستی لیونل میسی سے اتنی مشابہت رکھتے ہیں کہ رواں ہفتے عوامی نظام میں خرابی پیدا کرنے پر وہ جیل جانے سے بال بال بچے۔ایران کے مغربہ شہر حمدان میں گزشتہ ہفتے کے اختتام پر رضا کے ساتھ سیلفی بنوانے کیلئے جم غفیر امڈ آیا اور پولیس کو ہنگامی صورتحال اور بے ہنگم ٹریفک پر قابو پانا مشکل ہو گیا

اس پر قابو پانے کیلئے انہیں کچھ دیر کیلئے پولیس اسٹیشن لے جایا گیا۔رضا کی شکل میسی سے اتنی مشابہت رکھتی ہے کہ یورو اسپورٹ نے اصل میسی کے متعلق گفتگو کرتے ہوئے غلطی سے ان کی تصویر ٹوئٹر پر شیئر کر دی۔اس تمام معاملے کا آغاز اس وقت ہوا جب دیوانگی کی حد تک فٹبال سے لگاؤ رکھنے والے رضا کے والد نے اپنے بیٹے کی بارسلونا کی دس نمبر کی جرسی میں تصویر کھینچ کر اسپورٹس ویب سائٹ کو ارسال کر دیں۔انہوں نے بتایا کہ ’میں نے رات میں تصویر بھیجی اور صبح انہوں نے مجھے کال کر کے انٹرویو کیلئے آنے کا کہا۔‘ابتدا میں ہچکچاہٹ کے باوجود 25 سالہ رضا نے میسی کی طرح بال کٹوا لیے اور اکثر باہر جاتے ہوئے بارسلونا کی جرسی پہننے لگے۔ ان کی یہ کاوش رنگ لے آئی اور انہیں جلد ہی انٹرویو اور ماڈلنگ کیلئے مختلف لوگوں نے رابطہ کرنا شروع کردیا۔رضا نے کہا کہ اب لوگ واقعی مجھے ایرانی میسی کے طور پر دیکھنے لگے ہیں اور چاہتے ہیں کہ میں سب کچھ ویسے ہی کروں جیسے میسی کرتے ہیں۔ایران میں لوگ فٹبال سے جنون کی حد تک لگاؤ رکھتے ہیں اور یہی وجہ ہے اکثر اوقات رضا کو لوگ میسی سمجھ کر ان کے ساتھ سیلفی بنوانے کی خواہش ظاہر کرتے ہیں۔رضا پرستش بھی فٹبال سے بہت لگاؤ رکھتے ہیں لیکن انہوں نے کبھی پیشہ ورانہ فٹبال نہیں کھیلی لیکن وہ فٹبال کی چند تراکیب سیکھ رہے ہیں

اپنے چاہنے والوں کی امیدوں پر پورا اتر سکیں۔