ملتان(آئی این پی)رکن قومی اسمبلی جمشید دستی نے عوام میں مقبولیت کا نیا ڈھونگ رچا لیا۔جمشیددستی نے سابق وزیر خارجہ حناربانی کھر کے آبائی علاقہ سنانواں میں جوتے پالش اور ریپئرنگ کا کھوکھا لگا لیا،اس موقع پر جمشیددستی نے علاقہ مکینوں کے جوتے خودپالش کرکے افتتاح کیا۔میڈیا سے گفتگو کرتے ہوئے جمشید دستی کا کہنا تھا کہجاگیردار عوام کی خدمت شروع کردیں ،ان کے مدمقابل الیکشن لڑنا چھوڑ دوں گا۔
جمشیددستی نے کہا کہ نوازشریف اور عمران خان بھی مظفر گڑھ میں میرے مدمقابل الیکشن نہیں لڑسکتے۔جمشیددستی نے جنوبی پنجاب کے سیاستدانوں کو پیشکش کی کہ وہ ایک غریب کا جوتا پالش کریں ،میں ان کیخلاف الیکشن لڑنا چھوڑدوں گا،جمشید دستی کا کہنا تھا کہ ایم این اے شپ کے بعد مزدوری کر سکتا ہوں۔ جاگیردار عوام کی خدمت شروع کردیں ،ان کے مدمقابل الیکشن لڑنا چھوڑ دوں گا۔انہوں نے کہاکہ میراجینامرناعوام کے ساتھ ہے ۔
