کراچی(آئی این پی) کراچی کے علاقے بولٹن مارکیٹ کے قریب ہوٹل میں مردہ پائی گئی خاتون ثمینہ مسیح کے والد نے پولیس کو بیان ریکارڈ کرادیا ، تفتیشی حکام کے مطابق ثمینہ کا شوہر شاہد اس کے قتل میں ملوث ہے ۔ تفتیشی حکام کے مطابق متقولہ کے والد نے اپنے بیان میں بتا یا کہ ثمینہ کو اس کے اصل مقام تک پہنچا دیا ہے ، شاہد کے فون کے بعد ہوٹل پہنچا تو ثمینہ کی لاش پڑی ہوئی تھی ۔
تفتیشی حکام کے مطابق ابتدائی تحقیقات کے مطابق شاہد نے ہی ثمینہ کا قتل کیا ، ثمینہ اور شاہد دونوں کو رنگی کراسنگ کے رہائشی تھے ۔ ملزم شاہد نے اپنے تمام فون نمبر بند کردیے ہیں،جبکہ ملزم ایک بار اسٹریٹ کرائم کی واردات میں بھی گرفتار ہوچکا ہے ۔ تفتیشی حکام نے بتا یا کہ خاتون کو گلا دبا کر قتل کیا گیا تھا ، ملزم کی گرفتاری کے لئے چھاپے جاری ہیں
