اسلام آباد(مانیٹرنگ ڈیسک)حکومت نے قوم کو اربوں روپے کا ٹیکہ لگانے کی تیاریاں مکمل کر لیں، چوری ہونے والے بجلی کا خسارہ عوام کوبھیجے گئے بجلی بلوں سے پورا کیا جائے گا، پی ٹی آئی رہنما اسد عمر کا نجی ٹی وی پروگرام میں انکشاف۔ تفصیلات کے مطابق نجی ٹی وی پروگرام میں گفتگو کے دوران پی ٹی آئی رہنما اسد عمر نے انکشاف کرتے ہوئے بتایا ہے کہ
حکومت نے عوام کو اربوں روپے کا ٹیکہ لگانے کی تیاریاں مکمل کر لی ہیں۔ ان کا کہنا تھا کہ حکومت گردشی قرضوں میں اضافے سے پریشان ہے یہ گردشی قرضے اس لئے بڑھے کیونکہ نیپرا نے چوری ہونے والی بجلی کے محصولات بجلی بلوں میں ڈالنے سے حکومت کو روک دیا تھا جو بجلی چوری کا خسارہ عوام سے بجلی بلوں میں اضافی بل بھیج کر پورا کرنا چاہتی تھی۔ انہوں نے کہا کہ نیپرا کے اس اقدام کے بعد حکومت نےدائو کھیلتے ہوئے وزارت پانی و بجلی کو نیپرا کا انتظامی انچارج بنا دیا جبکہ نیپرا کا کام وزارت پانی و بجلی پر نظر رکھنا ہے،اس حکومتی اقدام کوعدالت میں چیلنج کر دیا گیا جس کے بعد حکومت نے ایک اور دائو کھیلتے ہوئے مشترکہ مفادات کونسل سے ایک قانون پاس کرایا ہے جس کے تحت نیپرا جس کا کام وزارت پانی و بجلی پر نظر رکھنا ہے پر لازم کر دیا گیا ہے کہ وہ وزارت پانی و بجلی کے ہر حکم پر من و عن عمل کرے۔اسد عمر نے دعویٰ کرتے ہوئے کہا کہ عوام کو بھیجے جانے والے بجلی بلوں سے اب نندی پور پاور پراجیکٹ کی چوری ، روزانہ کی بنیاد پر ہونے والی بجلی چوری اور پاور پراجیکٹ جو کے تاخیر کا شکار اورزیر تعمیر ہیں ان پر آنے والے اضافی اخراجات بھی پورے کئے جائیں گے۔