لندن(آئی این پی )برطانوی شاہی محل کے عہدیداروں نے ملکہ برطانیہ اور ان کے شوہر کی صحت سے متعلق قیاس آرائیوں کو مسترد کر دیا ۔ غیر ملکی میڈیا کے مطابق برطانوی شاہی محل بکنگھم پیلس کے عہدیداروں نے ملکہ برطانیہ اور ان کے شوہر کی صحت سے متعلق ہونے والی قیاس آرائیوں کو مسترد کرتے ہوئے کہا ہے کہ تشویش کی کوئی بات نہیں ۔ عہدیداران نے بتایا ہے کہ شاہی محل کے عملے کا ایک اجلاس بلایا گیا ہے،
واضح رہے کہ برطانوی اخبار نے شاہی محل کے عملے کے ایک غیر معمولی اجلاس کے حوالے سے رپورٹ شائع ہوئی تھی، جس کے بعد ملکہ برطانیہ الزبتھ دوئم اور ان کے شوہر پرنس فلپ کی صحت کے حوالے سے قیاس آرائیاں گردش کرنے لگیں۔تاہم شاہی محل کے ایک عہدیدار نے کہا کہ ملکہ برطامیہ نے شاہی محل میں برطانوی وزیراعظم تھریسا مے سے ملاقات کی جبکہ پرنس فلپ بھی لندن کرکٹ کلب گئے۔مذکورہ عہدیدار نے نام ظاہر نہ کرنے کی شرط پر بتایا کہ شاہی محل کے عملے کے اجلاس وقتا فوقتا بلوائے جاتے رہتے ہیں۔
