اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے سینئر صحافی مبشر لقمان نے کہا ہے کہ مجھے ایک مخبر نے اطلاع دی ہے (اللہ کرے کہ یہ اطلاع غلط ہو) کہ پاکستان سے ایک بہت سینئر وزیر یا مشیر واشنگٹن میں موجود ہیں اور وہاں امریکہ سے یہ درخواست کر رہے ہیں کہ ہم شکیل آفریدی کو آپ کے حوالے کر دیتے ہیں لیکن آپ ہمیں ہمارے اداروں سے تحفظ

دلوائیں۔ مبشر لقمان کی بات کے جواب میں دفاعی تجزیہ نگارزید حامد نے کہا کہ یہ وہی طریقہ کار ہے جو زرداری نے اختیار کیا تھا۔ جب میمو گیٹ سکینڈل ہوا تو اس وقت حسین حقانی بھی ایک خط لے کر امریکہ گیا تھا۔ زید حامد نے کہاکہ پاکستانی حکومت کا یہ طریقہ کار رہا ہے کہ وہ اپنی ہی فوج کیخلاف کبھی ہندوستان کی طرف مدد کیلئے بھاگتے ہیں اور کبھی امریکہ کی طرف بھاگتے ہیں۔