لاہور(آئی این پی)پاکستان کرکٹ بورڈ کے پیٹرن انچیف وزیر اعظم نواز شریف نے چیئر مین شہریار خان کو کام جاری رکھنے کی ہدایت کردی۔تفصیلات کے مطابق چیئر مین پی سی بی شہریار خان نے اپنا استعفی وزیر اعظم ہاؤس بھجوایا تھا تاہم وزیر اعظم نواز شریف نے شہریار خا ن کا استعفی نامنظور کرتے ہوئے پی سی بی میں اعلی سطح کی انتظامی تبدیلی کا معاملہ موخر کردیا ہے جس کے بعد اب موجود ہ سیٹ اپ برقرار رہے گا۔
ذرئع کے مطابق شہریار خان کو آئی سی سی میں بگ تھری کو ختم کروانے کاانعام ملا ہے اور وہ اب اپنی 3سالہ مدت 16اگست کو ختم ہونے کے بعدباضابطہ طور پر کرکٹ بورڈ سے رخصت ہوں گے جس کے بعد پی سی بی کا گورننگ بورڈ اگلے 3سال کے لیے نئے چیئر مین کا انتخاب کرے گا،اگست میں پی سی بی گورننگ بورڈ کے کئی اہم ارکان بھی اپنی ذمہ داریوں سے سبک دوش ہوں گے۔
