اسلام آباد(مانیٹرنگ ڈیسک)اسلام آباد میں داخلے کیلئے نیا جدید نظام متعارف کروا دیا گیا۔ تفصیلات کے مطابق نادرا انتظامیہ نے بغیر پیشگی اطلاع کے اسلام آباد میں داخلے کیلئے نیا جدید نظام متعارف کروا دیا ہے جس کے تحت عوام کو گاڑیوں میں اپنے خرچے پر الیکٹرانک چپ لگوانا پڑے گی جس کے بعد ہی وہ شہر میں داخل ہو سکیں گے۔ یہ چپ ناکوں پر موجود سکینر سکین کر سکیں گے
اور غیر متعلقہ گاڑیوں اور افراد کا داخلہ اسلام آباد میں ممکن نہ ہو سکے گا۔ اس مقصد کیلئے اسلام آباد کے داخلی راستوں پر سکینر اور جدید آلات نصب کر دئیے گئے ہیں۔نئے نظام کی تنصیب کے پہلے دن ہی اسلام آباد کے داخلی راستوں پر قائم پولیس چیک پوسٹوں پر گاڑیوں کی طویل قطاریں لگ گئی ہیں۔
