ملتان(آئی این پی)پاکستان تحریک انصاف کے مرکزی وائس چئیرمین مخدوم شاہ محمودقریشی نے کہا ہے کہ کارکنان کی محنت اور جدوجہدسے تحریک انصاف چھوٹے قافلے سے ایک سیاسی سمندرکی شکل اختیار کرچکی ہے ۔کارکنان اپنی جدوجہد کوتیز کرتے ہوئے 2018کے الیکشن کی تیاری کریں اور پارٹی کو متحد رکھیں۔جوقوتیں پارٹی میں انتشارپھیلارہی ہیں وہ عمران خان سے مخلص نہیں ہیں ۔

پارٹی کے 21ویں یوم تاسیس کے موقع پرسوشل میڈیا پرجاری اپنے ایک ویڈیو پیغام میں شاہ محمودقریشی نے کہا کہ تحریک انصاف کے 21ویں یوم تاسیس پر تحریک انصاف کے کارکنان مبارکباد کے مستحق ہیں جن کی جدوجہد اور انتھک محنت سے ایک چھوٹا سا قافلہ آج ایک ہجوم بن گیا ہے۔تحریک انصاف آج ایک سیاسی سمندر ہے۔اپنے ویڈیو پیغام میں شاہ محمودقریشی نے کہا کہ کارکنان پارٹی کو متحد رکھیں ۔جوقوتیں پارٹی میں انتشارپھیلارہی ہیں وہ عمران خان سے مخلص نہیں ہیں ،وہ اپنے ذاتی مفادات کو سامنے رکھتے ہوئے اپنی ذات کو ترجیح دے رہی ہیں۔انہوں نے کہا کہ 28اپریل کوتحریک انصاف کے کارکنان اسلام آبادپہنچیں،پارٹی چئیرمین عمران خان وہاں آئندہ کے لائحہ عمل کا اعلان کریں گے۔انہوں نے کہا کہ اعلیٰ عدلیہ نے پاناما کے بارے میں کیا کہا ، 5ججز کے تاثرات قوم کے سامنے ہیں کہ وہ تحقیقات کے بعدفیصلہ سنائیں گے۔انہوں نے کہا کہ قوم فیصلہ کرے کہ وزیراعظم نوازشریف کو رہنا چاہیے یا انہیں استعفیٰ دینا چاہیے۔نہوں نے کہا کہ تحریک انصاف کے کارکنان اسلام آبادپہنچیں،پارٹی چئیرمین عمران خان وہاں آئندہ کے لائحہ عمل کا اعلان کریں گے۔انہوں نے کہا کہ اعلیٰ عدلیہ نے پاناما کے بارے میں کیا کہا ، 5ججز کے تاثرات قوم کے سامنے ہیں کہ وہ تحقیقات کے بعدفیصلہ سنائیں گے۔انہوں نے کہا کہ قوم فیصلہ کرے کہ وزیراعظم نوازشریف کو رہنا چاہیے یا انہیں استعفیٰ دینا چاہیے۔