جمیکا(مانیٹرنگ ڈ یسک)آئی سی سی نے ویسٹ انڈیزکے فاسٹ بائولرکومیچ کی فیس کا50فیصد جرمانہ عائدکردیاہے ۔تفصیلات کے مطابق پاکستان ا ور ویسٹ انڈیزکے درمیان کھیلے جانے والے پہلے ٹیسٹ میچ کے چوتھے روز پاکستان کی پہلی اننگز کے دوران 103ویں اوور کے دوران شینن گیبریئل نے امپائررچرڈ النگورتھ سے اپنی کیپ وصول کرتے ہوئے پاکستانی بیٹسمین سرفراز احمد کو جان بوجھ کر دھکا دیا تھا
میچ کے دوران شینن گیبریئل سرفرازاحمد کوجان بوجھ کر دھکادینے کے مرتکب پائے گئے جس پران کومیچ کی فیس کا50فیصدجرمانہ کر دیاگیا،ساتھ ہی ان کوتین منفی پوائنٹس بھی دیئے گئے ہیں ،میچ ریفری کرس براڈکے سامنے شین گیبریل نے اپنی اس حرکت کااعتراف کرلیا۔واضح رہے کہ آئی سی سی کے قوانین کے تحت کسی بھی کرکٹر،امپائریامیچ کے دوران کسی اورشخص سے جان بوجھ کرکوئی جسمانی حرکت کرناجرم قراردیاگیاہے
