اسلام آباد (این این آئی) چیئرمین تحریک انصا ف عمران خان نے کہا ہے کہ پاناما کیس پر نظر ثانی اپیل دائر کرنے کا کوئی ارادہ نہیں ہے ۔ بنی گالہ میں لینڈ مافیا اور غیر قانونی تعمیرات کیس کی سماعت کیلئے سپریم کورٹ آمد پر میڈیا سے بات کرتے ہوئے انہوں نے کہاکہ سپریم کورٹ نے (ن )لیگ کے لیڈر کو کرپٹ قرار دیا
عمران خان نے کہا کہ مگر مسلم لیگ نواز اپنے لیڈر کو کرپٹ قرار دیئے جانے پر جشن منا رہی ہے عمران خان نے پاناما کیس کے فیصلے کے حوالے سے لیگی قیادت اور کارکنوں کو شدید تنقید کا نشانہ بنایا ۔ یاد رہے بنی گالہ میں غیر قانونی تعمیرات اور لینڈ مافیا کے سرگرم ہونے کی شکایات پر چیف جسٹس نے معاملہ کا از خود نوٹس لے رکھا ہے
