اسلام آباد(نیوزڈیسک) سابق گورنر پنجاب غلام مصطفیٰ کھر نے پاکستان تحریک انصاف میں شمولیت کا اعلان کردیاہے۔ایک نجی ٹی وی کے مطابق سابق گورنرملک غلام مصطفیٰ کھر نے تحریک انصاف کے سربراہ عمران خان سے ملاقات کی اوراس ملاقات میں انہوں نے پی ٹی آئی میں شمولیت کا اعلان کیا۔ملاقات کے د روان گفتگوکرتے ہوئے غلام مصطفیٰ کھر نے کہاکہ تحریک انصاف کی قیادت اور منشور سے مکمل متفق ہوں۔

انہوں نے کہاکہ عمران خان پاکستان کے مستقبل کے معمار ہیں اور نئے پاکستان کی تعمیر میں عمران خان کے شانہ بشانہ رہوں گاجبکہ عمران خان نے غلام مصطفیٰ کھرکوپارٹی میں شمولیت پرخوش آمدیدکہا۔اس موقع پرعمران خان نے کہاکہ ذاتیات سے بالاتر ہوکر پاکستان کے لیے کھڑے ہونے کا وقت آگیاہے۔انہوں نے کہاکہ پاکستان کے مراعات یافتہ طبقہ کی یہ ذمہ داری بنتی ہے کہ وہ ملک کے مستقبل کے لیے عام آدمی سے بڑھ کر کردار ادا کرے۔