کراچی (آئی این پی) پاکستان تحریک انصاف کے رہنما فیصل واوڈانے کہا ہے کہ حنیف عباسی ایفی ڈرین کیس کے ملزم اور موت کے سوداگر ہیں ،عابد شیر علی کو پاگل خانے میں اپنے خرچے پر بھیجنے کو تیار ہوں ،اپنے لیڈر سمیت ان کا سارا کنبہ ہی چوروں کا ہے ۔اتوار کو حنیف عباسی کی پریس کانفرنس پر ردعمل دیتے ہوئے فیصل واوڈا نے کہا کہ حنیف عباسی اور عابد شیر علی کا لیڈر ہی نہیں بلکہ پورا کنبہ ہی چوروں کا ہے ،حنیف عباسی ایفی ڈرین کیس کے ملزم اور موت کے سوداگر ہیں ۔انہوں نے کہا کہ عابد شیر علی اور حنیف
عباسی کو پاگل خانے اپنے خرچے پر بھیجنے کو تیار ہوں ۔انہوں نے کہا کہ چوروں کو جے آئی ٹی کے سامنے ملزم کی حیثیت سے پیش ہونا ہوگا ۔ پاکستان پیپلزپارٹی کے رہنما شوکت بسرا نے کہا ہے کہ ایفی ڈرین عباسی کے منہ میں نوازشریف کی زبان ہے ،نوازشریف کو میثاق جمہوریت کے پیچھے چھپنے کا موقع بھی نہیں دیں گے ۔اتوار کو حنیف عباسی کی پریس کانفرنس پر ردعمل دیتے ہوئے شوکت بسرا نے کہا کہ ایفی ڈرین عباسی کے منہ میں نوازشریف کی زبان ہے ،نوازشریف کو بھاگنے نہیں دیں گے اور نہ ہی اسے میثاق جمہوریت کے پیچھے چھپنے دیں گے ۔
