کراچی (آئی این پی) کراچی میں بدامنی پھیلانے کا منصوبہ ناکام بنا دیا گیا ، سیکیورٹی اداروں نے عزیز آباد میں کارروائی کر کے دہشتگردی کیلئے گراؤنڈ میں چھپایا اسلحہ برآمد کرلیا ہے۔ عزیز آباد کے علاقے لال قلعہ گراؤنڈ میں زیر زمین اسلحے کی موجودگی کی خفیہ اطلاع پر قانون نافذ کرنے والے
ادارے نے کارروائی کی۔ سیکورٹی اہلکار ڈھائی گھنٹے تک گراؤنڈ میں موجود رہے۔ زمین میں چھپایا گیا اسلحہ برآمد کر لیا گیا۔ کارروائی کے بعد برآمد ہونے والا اسلحہ نامعلوم مقام پر منتقل کر دیا گیا۔ قانون نافذ کرنے والے ادارے کے مطابق اسلحہ ایک عسکری گروپ نے شہر میں دہشتگردی کے لئے چھپایا تھا۔
