سری نگر(آن لائن)پاناماکیس کے فیصلے پرپاکستان سمیت پڑوسی ملک بھارت اورمقبوضہ کشمیرمیں بھی گہری دلچسپی کااظہارکیاجارہاہے ،دوستی ہویادشمنی دونوں ممالک کے عوام ایک دوسرے کے معاملات میں ہمیشہ گہری دلچسپی لیتے ہیں ۔بھارتی مقبوضہ کشمیراوربھارت کے دیگرعلاقوں میں اس بات پرزوردیاجارہاہے کہ وزیراعظم میاں نوازشریف اپنی سیاسی تاریخ میں دوسری مرتبہ سپریم کورٹ کے فیصلے کی زدمیں آجائیں گے

۔بھارتی شہریوں نے سوشل میڈیاپراپنی رائے کااظہارکرتے ہوئے کہاکہ وزیراعظم اپنے خاندان پرلگے کرپشن کے الزامات کاتسلی بخش جواب نہیں دے سکے ۔مقبوضہ کشمیراوربھارت کے دیگرشہروں میں بسنے والے باسیوں کاخیال ہے کہ اپوزیشن جماعتیں حکومت کے خلاف یہ تاثرپیداکرنے میں بہت کامیاب رہی ہے کہ ان کے خلاف عدالتیں فیصلہ نہیں دیتیں لیکن آج سپریم کورٹ اس تاریخ کوبدل سکتی ہے ۔