حیدر آباد(آئی این پی)بھارتی شہر حیدر آباد میں انتہا پسند ہندوں نے جے شری رام نہ کہنے پر مسلمان نوجوانوں کو تشدد کا نشانہ بنا ڈالا، 5 مسلم نوجوان زخمی، واقعے کے بعد علاقے میں کشیدگی پیدا ہو گئی۔ بھارتی میڈیا کے مطابق حیدر آباد میں انتہا ہسند ہندوں نے مسلمان نوجوانوں کو جے شری رام نہ کہنے پر بدترین تشدد کا نشانہ بنا ڈالا۔ واقعے میں 5 نوجوانوں کے شدید زخمی ہوگئے ۔ محمد فیضان، سید سہیل، سید بشیر، عامر اور

فردوس شامل ہیں جنھیں شدید زخمی حالت میں گاندھی ہسپتال داخل کرا دیا گیا ہے۔یہ شرمناک واقعہ حیدر آباد کے علاقے سوریہ نگر کالونی میں پیش آیا۔ پولیس کا کہنا ہے کہ کچھ مسلم نوجوان موٹر سائیکل پر جا رہے کہ انتہا پسند ہندوں نے انھیں زبردستی روک کر جے شری رام کہنے کے لئے کہا، لیکن جب انہوں نے ایسا کہنے سے انکار کر دیا تو مسلمان نوجوانوں پر حملہ کر دیا۔  سوریہ نگر علاقہ میں کشیدگی پیدا ہو گئی ہے۔