(نیوز ڈیسک) امریکا نے لاہور کے دو گرجا گھروں پرخودکش حملوں کی مذمت کی ہے۔ امریکی محکمہ خارجہ کی ترجمان جین ساکی نے اس حوالے سے ایک بیان میں اس واقعہ میں ہلاک ہونے والوں کے اہلخانہ سے دلی ہمدردی اور تعزیت کا اظہارکیا۔ انہوں نے کہا کہ امریکا پاکستان کے عوام اورحکومت کے ساتھ یکجہتی کا اظہارکرتا ہے جو اس طرح کی پرتشدد انتہا پسندی کا سامنا کررہے ہیں۔ امریکی ترجمان نے مزید کہا کہ ہم ہر فردکے موت، ڈرانے دھمکانے، دھونس اور انتقامی کارروائی کے خوف سے بالاتر ہوکر عبادت کے حق کی حمایت کرتے ہیں۔ یہ پاکستان اوردنیا بھرمیں بنیادی انسانی حقوق میں شامل ہے۔