لاہور(این این آئی )پنجاب حکومت نے ریلوے لائن کو کراس کرنے والی نئی سڑکوں کی تعمیر کی منظوری پر پابندی عائد کر دی ہے۔یہ بات وزیر ریلویز خواجہ سعد رفیق کو چیئرمین پی اینڈ ڈی پنجاب جہانزیب خان نے محفوظ لیول کراسنگز کے حوالے سے دی گئی ایک بریفنگ میں بتائی جو سوموار کے روز یہاں لاہور میں دی گئی۔ بریفنگ اجلاس میں پاکستان ریلویز اور پلاننگ اینڈ ڈویلپمنٹ کے اعلیٰ حکام نے شرکت کی۔وزیر ریلویز

خواجہ سعد رفیق نے کہا کہ نئی سڑکیں ڈیزائن کرتے وقت ریلوے لائنوں پر انڈر پاسزاور فلائی اوورز کا آپشن اور بجٹ رکھا جائے۔اس موقع پرچیئر مین پی اینڈ ڈی پنجاب نے کہا کہ پنجاب حکومت 75 ان مینڈ لیول کراسنگز کواسی برس جون تک مینڈ اور سگنلڈ کرنے کے لئے 778 ملین جاری کردے گی۔انہوں نے مزید کہا کہ پنجاب حکومت اس سے پہلے صوبے کے 75 خطرناک لیول کراسنگز کو مینڈ اور سگنلڈ کر چکی ہے۔اجلاس میں لیول کراسنگز پر بی او ٹی اور پبلک پرائیویٹ پارٹنر شپ کے تحت انڈر پاسز اور فلائی اوورز بنانے پر اتفاق رائے ہوگیا اس حوالے سے ریلویز اور پی اینڈ ڈی ڈیپارٹمنٹ پنجاب کے سات لیول کراسنگز پر مشترکہ سروے کریں گے۔اجلاس میں ریلوے کا پنجاب حکومت کی فنانسنگ سے بننے والے پھاٹکوں کے جوائنٹ مانیٹرنگ میکانزم پر اتفاق رائے ہوا۔ اجلاس میں چیف ایگزیکٹوآفیسر پاکستان ریلویز محمدجاوید انور،مشیر ریلویز انجم پرویز، ایڈیشنل جنرل منیجرانفراسٹرکچر ہمایوں رشید، چیف انجینئر اوپن لائن بشارت وحید، ڈویژنل سپرنٹنڈنٹ سفیان ڈوگر اور دیگر اعلی افسران نے شرکت کی۔خواجہ سعدرفیق نے اجلاس میں اظہار خیال کرتے ہوئے کہا کہ ریلوے کی بحالی کے ساتھ ساتھ حادثات کی روک تھام ہماری ترجیحات میں شامل ہیں اور اس کے لیے دن رات کام کیا جارہا ہے ۔ ساتھ ساتھ حادثات کی روک تھام ہماری ترجیحات میں شامل ہیں