جدہ(آئی این پی)سعودی مذہبی سکالرنے فتوی دیا ہے کہ خواتین اپنی مرضی سے شادی کرسکتی ہیں۔سعودی اخبار کے مطابق کونسل آف سینئر سکالرز کے رکن شیخ عبداللہ المینائی نے اپنے فتوی میں کہا ہے کہ 25 سال سے زائد عمر کی خواتین کو اپنی مرضی سے شادی کرنے کا حق حاصل ہے،انہوں نے کہا اصل کام شادی کے معاہدے کو دستاویزی شکل دینا ہے
اوراگر وزارت انصاف اس کی اجازت دے تو اس سلسلے میں کوئی رکاوٹ باقی نہیں رہتی۔واضح رہے کہ شیخ عبداللہ المینائی نے گزشتہ سال ستمبر میں بھی خواتین کے حقوق سے متعلق ایک فتوی جاری کیا تھا جس کے مطابق خواتین خود ہی اپنی سرپرست ہیں اور شادی کے دورانیہ کے علاوہ اپنے تمام معاملات کو مینج کرنے کا قانونی حق رکھتی ہیں۔
