سرگودھا (آئی این پی) سرگودھا واقعے کی تحقیقاتی ٹیم کے سربراہ زعیم قادری نے کہا ہے کہ سرگودھا واقعے میں ملوث کچھ افراد کو گرفتار کرلیا گیا ہے‘ گرفتار افراد سے متعلق معلومات جلد میڈیا کے سامنے لائیں گے‘ جہاں واقعہ پیش آیا وہ درگاہ محکمہ اوقاف کے زیر انتظام نہیں تھی‘ درگاہ مقامی لوگوں کی ملکیت ہے‘ جعلی پیروں اور تعویز گنڈا کرنے والوں کے خلاف سخت کارروائی کی جائے گی۔ اتوار کو سرگودھا میں میڈیا سے
گفتگو کرتے ہوئے زعیم قادری نے کہا کہ سرگودھا واقعہ میں ملوث کچھ افراد کو گرفتار کرلیا گیا ہے۔ گرفتار افراد سے متعلق معلومات جلد میڈیا کے سامنے لائے جائیں گے۔ جہاں واقعہ پیش آیا وہ درگاہ محکمہ اوقاف کے زیر انتظام نہیں تھی۔ درگاہ مقامی لوگوں کی ملکیت ہے۔ انہوں نے کہا پولیس کو اطلاع ملنے سے آٹھ سے دس گھنٹے پہلے واقعہ پیش آیا۔ جعلی پیروں اور تعویز گنڈا کرنے والوں کے خلاف سخت کارروائی کی جائے گی۔
