اسلام آباد (مانیٹرنگ ڈیسک) صدر مملکت ممنون حسین نے فوجی عدالتوں کی توسیع اور انکوائری بل پر دستخط کردیئے، ملک بھر میں فوجی عدالتیں بحال ۔تفصیلات کے مطابق صدر مملکت ممنون حسین نے فوجی عدالتوں میں دو سال کی توسیع کے بل پر دستخط کردئیے،جس کے بعد 28ویں آئینی ترمیم کو ایکٹ آف پارلیمنٹ کا درجہ حاصل ہو گیا ہے۔صدر مملکت نے قومی اسمبلی اور سینیٹ سے پاس کئے جانےکے بعد بل پر دستخط کیے،بل کے مطابق فوجی

عدالتوں کی توسیعی 7جنوری 2017سے قابل عمل تصور ہو گی ۔جبکہ صدر ممنون حسین نے انکوائری بل 2017ء پر بھی دستخط کر دئیے ہیں ۔بل کے تحت کسی بھی معاملے کی تحقیقات کے لئے کمیشن بنایا جاسکے گا،اس حوالے سے چیف جسٹس سپریم کورٹ کو درخواست بھیجی جائے گی ۔قانون کے تحت کمیشن کو دیوانی اور فوجداری مقدمات کی سماعت کا اختیارات حاصل ہو گاجبکہ حکومت انکوائری کمیشن کی رپورٹ کو عام کرنے کی پابند ہوگی۔