اسلام آباد(مانیٹرنگ ڈیسک) محکمہ موسمیات نے راولپنڈی ،اسلا م آباد،فیصل آباداورلاہورمیں پیرسے بارشوں کی پیش گوئی کی ہے ۔ایک نجی ٹی وی کے مطابق وفاقی دارالحکومت اسلام آبادجبکہ پنجاب کے اضلاع راولپنڈی ،فیصل آباد،لاہور اسی طرح خیبرپختونخوا، فاٹا، ہزارہ ڈویژن، گلگت بلتستان اور آزاد کشمیر میں بھی
گرج چمک کے ساتھ بارش کا امکان ہے۔محکمہ موسمیات کے مطابق بارشوں کے ساتھ تیزہوائیں چلنے کابھی امکان ہے محکمہ موسمیات نے کہاہے کہ پیرسے شروع ہونے والابارشوں کایہ سلسلہ جمعرات تک جاری رہے گاجبکہ آزادکشمیرمیں کئی علاقوں میں بارش کے ساتھ ٹھنڈھی ہوائیں بھی چلنے کاامکان بتایاگیاہے ۔
