مظفرآباد(آن لائن)این ٹی ایس کے نام پر لوٹ مار جاری،فوٹوسٹیٹ والے این ٹی ایس کا ایک درخواست فارم 100روپے میں فروخت کرنے لگی۔انتظامیہ خاموش تماشائی ،کوئی پرسان حال نہیں،

بے روزگار نوجوانوں کو جی بھر کر دونوں ہاتھوں سے لوٹا جانے لگا ۔عوامی حلقوں میں تشویش کی لہر دوڑ گئی ۔جہاں این ٹی ایس کی تیاری کی آڑ میں بے شمار ادارے کھل گئے ہیں وہاں ہی فوٹوسٹیٹ مالکان کی بھی چاندی ہوگئی ہے۔بے روزگار عوام کی چمڑی ادھیڑی جارہی ہے ۔این ٹی ایس والوں کا درخواست فارم فوٹو سٹیٹ والے فوٹو کاپی کر امیدواروں کو 100روپے فی فارم کے حساب سے فروخت کررہے ہیں۔انتظامیہ خاموش تماشائی بن گئی ہے ۔تعلیم یافتہ اور بے روزگار امیدواروں کو دونوں ہاتھوں سے لوٹا جارہا ہے۔عوامی حلقوں نے انتظامیہ سے مطالبہ کیا ہے کہ وہ صورتحال کا نوٹس لیتے ہوئے فوٹو سٹیٹ مالکا ن کا قبلہ درست کریں اور لوٹ مار بند کروائیں