اسلام آباد(مانیٹرنگ ڈیسک) قومی کرکٹ ٹیم کے فاسٹ بائولر محمد عرفان نے سپاٹ فکسنگ سکینڈل میں ملوث ہونے کا باقاعدہ اعتراف کر لیا، تفصیلا ت کے مطابق نجی ٹی وی رپورٹ میں کہا گیا کہ محمد عرفان نے جمع کروائے گئے جواب میں تسلیم کیا کہ ان سے غلطی ہو گئی ہے اور وہ اس
پر شرمندہ ہیں، رپورٹ کے مطابق محمد عرفان کچھ دیر میں پریس کانفرنس کریں گے جس میں وہ قوم سے باقاعدہ معافی مانگیں گے۔ رپورٹ کے مطابق پی سی بی کی جانب سے محمد عرفان پر ایک لاکھ روپے جرمانہ اور ایک سال کی پابندی کی سزا عائد کئے جانے کا بھی امکان ہے۔
