لندن (آئی این پی )برطانوی پارلیمان کے باہر ہونے والے حملے میں ہلاک ہونے والے چوتھے شخص کی شناخت ظاہر کر دی گئی ہے۔اس 75 سالہ شخص کا نام لیزلی روڈز تھا اور جنوبی لندن کے علاقے سٹریتھم کے باسی تھے اور وہ دو روز قبل لندن میں ویسٹ منسٹر پل پر کار کی زد میں آ گئے تھے۔پولیس نے کہا ہے کہ اس سلسلے میں کہ ویسٹ مڈلینڈز اور نارتھ ویسٹ میں دو اہم گرفتاریاں کی گئی ہیں۔اس حملے میں 50 افراد زخمی
ہو گئے تھے جن میں سے دو کی حالت اب تک نازک ہے۔اسسٹنٹ ڈپٹی کمشنر مارک رالی نے کہا کہ ۔سکاٹ لینڈ یارڈ کے باہر نامہ نگاروں سے بات کرتے ہوئے انھوں نے کہا کہ دو زخمی پولیس افسر ہپستال میں ہیں جنھیں خاصی سنگین چوٹیں آئی ہیں اور دیگر 31 افراد کا ہسپتال میں علاج کیا گیا۔اس سے قبل ہلاک ہونے والے 48 سالہ پولیس اہلکار پی سی پامر کی ایک تصویر جاری کی گئی جس کے بارے میں کہا جا رہا ہے کہ یہ ان کی آخری تصویر ہے۔
