ایتھنز(آئی این پی)یونانی پولیس نے یورپی ممالک کو بھیجے گئے 8 پارسل بم پکڑ لیے۔غیر ملکی میڈیا کے مطابق یونانی پولیس نے دارالحکومت ایتھنز کے قریب ایک ڈاک خانے میں موجود ایسے آٹھ پارسل بم ناکارہ بنا دیے ہیں، جو یورپ کے مختلف ممالک کے حکام اور کاروباری اداروں کے پتوں پر بھیجے گئے تھے۔ گزشتہ

ہفتے جرمنی کے وزیر خزانہ کے دفتر میں ایک لیٹر بم بھیجا گیا تھا۔ یونانی گروپ کانسپیریسی سیلز آف فائر نے جرمن وزیر خزانہ کے دفتر کو بھیجے گئے بم کی ذمہ داری قبول کی تھی۔ اس کے علاوہ پیرس میں بین الاقوامی مالیاتی فنڈ کے دفتر میں ایسے ہی بم کے دھماکے کے سبب ایک خاتون اہلکار زخمی بھی ہو گئی تھی۔۔

موضوعات:پارسل بم