بیجنگ (آئی این پی )سابق پاکستانی وزیر اعظم شوکت عزیز بھی کانفرنس کے مختلف اجلاسوں میں شرکت کریں گے اور آزاد تجارت اور معاشی لبرل ازم پر اپنے گرانقدر خیالات پیش کریں گے، باؤ فورم برائے ایشیاء کی چار روزہ سالانہ کانفرنس 23مارچ سے چین کے جنوبی صوبے ہینان میں منعقد ہو گی ، کانفرنس میں زیادہ تر توجہ پاک چین اقتصادی راہداری منصوبہ پر مرکوز رہے گی ، پاکستان سمیت دنیا بھر سے وفود اس میں شرکت کریں

گے اور ایشیاء کے پس منظر میں عالمگیریت اور آزاد تجارت کے معاملات پر غور و خوض کریں گے ۔فورم کے ترجمان نے گذشتہ روز بتایا کہ چار روزہ کانفرنس کے دوران ون بیلٹ ون روڈ ، تعلیم ، مالیات ، مینوفیکچرنگ ، صنعتی جدت اور علاقائی دلچسپی سمیت 44معاشی اور اقتصادی مسائل زیر غور آئیں گے چونکہ چین کے صدر شی چن پھنگ نے ون بیلٹ ون روڈ منصوبے کو اپنی خارجہ پالیسی کا بڑا منصوبہ قراردیا ہے ،