اسلام آباد(آئی این پی)توہین رسالت ،سانحہ ایبٹ آباد غیرملکی جاسوسوں کو ویزے دینے جیسے معاملات،سیکورٹی لیکس اور مالی دہشت گردی کے مقدمات فوجی عدالتوں میں چلانے کی آئینی ترمیم آگئی،ترمیم کا باضابطہ طورپر نوٹس دے دیاگیا ۔آزاد رکن جمشید دستی ترمیم کے محرک ہیں ۔آئین کی متعلقہ شق میں
ضروری ردبدل کی تجویزدی گئی ۔ اس آئینی ترمیم کے مسودے کے مطابق توہین رسالت ،ملکی سلامتی کو پا مال کرنے ،سیکورٹی لیکس اور مالی دہشت گردی کے مقدمات فوجی عدالتوں میں چلانے کی تجویز دی گئی ۔ اس مقصد کے لئے متعلقہ آئینی و قانون کی شقوں (آرمی ایکٹ) میں ضروری ردبدل کا مطالبہ کیا گیا ۔
