ڈیرہ اسماعیل خان(آن لائن) پاک افغان سرحد کے قریب افغانستان کے صوبے پکتیکا میں امریکی ڈرون حملے میں کالعدم تحریک طالبان پاکستان (ٹی ٹی پی) کے 2 کمانڈر ہلاک ہوگئے۔ذرائع کے مطابق امریکی ڈرون کے ذریعے پاکستان کے قبائلی علاقے جنوبی وزیرستان کے قریب افغان صوبے پکتیکا کے ناڑ کے علاقے میں ایک کار کو نشانہ

بنایا گیا۔حملے میں ٹی ٹی پی کے مقامی کمانڈر ہارون شوخیل وزیر اور عظمت محسود ہلاک ہوگئے۔ہلاک ہونے والے دونوں مقامی کمانڈرز تحریک طالبان شمالی وزیرستان کے اختر محمود گروپ سے بھی منسلک رہے تھے۔ہلاک ہونے والے دونوں کمانڈر کی نماز جنازہ پاک۔افغان سرحد کے قریب لامان کے علاقے میں ادا کی گئی۔