صنعاء (آئی این پی)یمن میں حوثی دہشت گردوں کے مسجد پرحملے میں شہید نمازیوں کی تعداد34 ہوگئی ۔غیر ملکی میڈیا کے مطابق یمن کے سیکیورٹی حکام کا کہنا ہے کہ مغربی مآرب میں صرواح کے زیر انتظام کوفل ڈاریکٹوریٹ کی ایک جامع مسجد پر ایران نواز حوثی دہشت گردوں کے حملے

میں شہید ہونے والے شہریوں کی تعداد 34 ہوگئی ہے۔یمنی فوج کے میجر جنرل محسن خصروف نے بتایا کہ ایران نواز حوثی دہشت گردوں نےصرواح کے کوفل ڈاریکٹوریٹ میں ایک مسجد پر راکٹ حملے کیےجس کے نتیجے میں کم سے کم34 نمازی شہید اورد سیوں زخمی ہوگئے ہیں۔جنرل حصروف نے بتایا کہ باغی دہشت گردوں نے نماز جمعہ کے دوران مسجد پر راکٹ داغے جس کے نتیجے میں مسجد شہدا سے بھر گئی۔قبل ازیں یمنی باغیوں نے شہید عبدالرب الشدادی کی تعزیت کے لیے لگائے گئے تعزیتی کیمپ پر بھی گولے برسائے تھے۔یمنی فوجی عہدیدار کا کہنا ہے کہ حوثی باغیوں نے جس مسجد کو نشانہ بنایا اس میں فوجی اور عام شہری دونوں نماز ادا کرتے ہیں۔

موضوعات:شہید نمازی