بیجنگ (آئی این پی ) چین اور سعودی عرب میں سعودی عرب کے فرمانروا شاہ سلمان بن عبد العزیر السعود کے دورے کے دوران تعاون کے 14سمجھوتوں پر دستخط کئے ہیں ۔یہ بات چین کے نائب وزیر خارجہ جان منگ نے جمعرات کو بتائی ہے ۔چین کے صدر شی چن پھنگ اور شاہ سلمان نے بیجنگ میں عظیم عوامی ہال میں مذاکرات کے بعد معاہدوں میں دستخط کرنے کی تقریب

میں شرکت کی۔جان نے کہا کہ ان معاہدوں کا تعلق تعاون کے وسیع تر شعبوں سے ہے ۔انہوں نے مزید کہا کہ دونوں ممالک کے درمیان قریباً 65ملین امریکی ڈالر کی پیداواری گنجائش اور سرمایہ کاری تعاون کے بارے میں مفاہمت کی ایک یادداشت میں تعاون کے 35منصوبے شامل ہیں ، سعودی فرمانروا چینی صدر کے مہمان کے طورپر 15مارچ کو چارروزہ دورے پر بیجنگ پہنچے تھے۔