بیجنگ(آئی این پی )چین جنوبی بحیرہ چین کے متنازعہ جزیرہ’’ پیراسیل‘‘ میں ایک بڑی بندرگاہ تعمیر کرے گا۔تائیوان کی سینٹرل نیوز ایجنسی کے مطابق جہاں بیجنگ فوجی رن ویز اور ممکنہ میزائل پناہ گاہوں کی تعمیر کر چکا ہے وہاں ایک بڑی بندرگاہ بھی تعمیر کرنے کا سوچ رہا ہے۔ امریکہ اور دوسرے بہت سے ممالک نے جنوبی بحیرہ چین میں چین کی بڑھتی ہوئی فوجی طاقت کی مذمت کی ہے، امریکی ریاستی سیکرٹری جنرل

ریکس ٹیلرسن نے ایک مرتبہ یہاں تک کہا کہ بین الاقوامی سمندر میں چین کی بڑھتی ہوئی سرگرمیوں کو روکنا ناگزیر ہے۔ واضح رہے کہ ریکس ٹیلرسن نے 18سے19کو چین کا دورہ بھی کرنا ہے۔ ٹیلرسن نے نہ صرف چین کے اس فوجی مسئلے کو اٹھایا بلکہ اس پر بیجنگ کو تنبیہ بھی کی ہے۔ سینٹر فار اسٹریٹجک اینڈ انٹرنیشنل سٹڈیز کے مطابق چین مسلسل جنوبی بحیرہ چین میں اپنی فوجی طاقت کے اضافہ میں مصروف ہے۔