اسلام آباد (آئی این پی) قومی اسمبلی میں وفاقی وزیر شیخ آفتاب کے خطا ب کے دوران (ن) لیگ کے شیخ روحیل اصغر اور آزاد رکن جمشید دستی کے درمیان لفظی جھڑپ اور گالم گلوچ‘ جمشید دستی روحیل اصغر کو جھوٹا اور چور کہتے رہے۔ بدھ کو ایوان میں وزیر پارلیمانی امور کی تقریر کے دوران آزاد رکن جمشید دستی بار بار مداخلت اور آوازے کستے رہے شیخ آفتاب جیسے ہی کسی حکومتی مصوبے کا ذکر کرتے یا وزیراعظم
نواز شریف کی تعریف کرتے تو جمشید دستی اپنی نشست پر اٹھ کھڑے ہوتے اور نو نو کی آواز بلند کرتے اس موقع پر (ن) لیگی رکن اسمبلی شیخ روحیل اصغر بھی اٹھ کھڑے ہوئے اور جمشید دستی کو جواب دینا شروع کردیا جس پر دونوں ایک دوسرے سے الجھ پڑے جمشید دستی روحیل اصغرکو چوراورچور کہتے رہے اور غصے میں ان کی آوازے کستے رہے ۔ شاہ جی گل آفریدی نے جمشید دستی اور روحیل اصغر کو چپ کرایا۔
