نئی دہلی (آئی این پی)بھارت نے بڑھک مارتے ہوئے کہا ہے کہ سرحد پر جنگ بندی کی خلاف ورزیوں کا پاکستان کو منہ توڑ جواب دیا جائے گا۔پیر کو بھارتی میڈیا کے مطابق مرکزی وزیر جتیندر سنگھ نے صحافیوں سے گفتگو کرتے ہوئے کہاکہ بھارتی عوام کو مودی حکومت پر اعتماد کرنا چاہیے سرحد پر جنگ بندی کی
خلاف ورزیوں کا پاکستا ن کو مناسب جواب دیا جائے گا۔انھوں نے کہاکہ متعلقہ ایجنسیاں حالیہ واقعات کے سلسلے سے آگاہ ہیں عوام کو ایک مناسب جواب دینے کیلئے مودی حکومت پر اعتمادکرناچاہیے۔ جتیندر سنگھ نے کہاکہ بھارتی حکومت اور سیکورٹی ایجنسیاں ہر قسم کے چیلنج کا مقابلہ کرنے کی مکمل صلاحیت رکھتی ہیں ۔
