برلن (آئی این پی)جرمنی نے افغانستان کی تعمیر نو کی خاطر 240 ملین یورو کی امداد ی رقوم فراہم کرنے کا منصوبہ تیار کرلیا۔جرمن میڈیا کے مطابق جرمن حکومت افغانستان کی تعمیر نو کی خاطر 240 ملین یورو کی امداد رقوم مہیا کرنے کا منصوبہ رکھتی ہے۔ وفاقی جرمن وزارت برائیاقتصادی تعاون اور ترقی کی طرف سے بتایا گیا کہ اس مد میں دی جانے والی رقوم میں سے

160 ملین یورو غیر مشروط طور پر کابل حکومت کو دیے جائیں گے جبکہ باقی ماندہ رقوم کے لیے کابل حکومت کو ملک میں اصلاحات لانا ہوں گی۔ اس کے علاوہ کابل اور برلن مل کر افغانستان میں روزگار کے مواقع پیدا کرنے کے لیے بھی ایک پروگرام بنا رہے ہیں، جس کے تحت اس شورش زدہ ملک کے دیہی علاقوں میں سڑکیں اور اسکول تعمیر کیے جائیں گے۔