اسلام آباد(مانیٹرنگ ڈیسک) افغانستان نے پاکستانی موقف کی تصدیق کر دی۔ افغان سرزمین پر کئی ہزار دہشتگرد موجودہیں، افغان قومی سلامتی کے مشیر کا اعتراف۔ تفصیلات کے مطابق افغان قومی سلامی کے مشیر حنیف اتمر نے افغانستان میں 40سے 45ہزار دہشتگردوں کی موجودگی کا اعتراف کرتے ہوئے پاکستانی موقف کی تصدیق کر دی ہے۔
ایشین سکیورٹی کانفرنس سے خطاب کے دوران حنیف اتمر کا کہنا تھا کہ افغانستان میں دہشتگردوں کے 20سے زائد نیٹ ورک موجود ہیں جو کہ آپس میں رابطے میں ہیں۔ انہوں نے کہا کہ دہشتگردوں کے منظم نیٹ ورک کو توڑنے اور دہشتگردی کو جڑ سے ختم کرنے کیلئے مل کر کام کرنے کی ضرورت ہے۔