ریاض(مانیٹرنگ ڈیسک) سعودی عرب میں غیر ملکی سرمایہ کاری کو فروغ دینےکےلئے غیرملکی سرمایہ کاروں کو24گھنٹے کے اندراندرملک کی چاروزارتیں ویزوں کااجراکریں گی جبکہ ان چاروزارتوں کے مابین ای لنک کامعاہدہ بھی طے پاگیاہے ۔سعودی وزیرخارجہ کے سربراہ اسامہ نقیلی نے ایک عرب اخبارسے گفتگوکرتے ہوئے کہاکہ ویزے کااجراکرنے والی وزارتوں میں وزارتِ تجارت و سرمایہ کاری ،وزارتِ محنت برائے سماجی ترقی ،وزارتِ خارجہ اور وزارتِ داخلہ شامل ہیں
جبکہ اب غیرملکیوں کی آسانی کےلئے ان وزارتوں کے علاوہ جنرل اتھارٹی کوبھی یہ کام سونپاجائے گا۔اسامہ نقیلی نے کہاکہ سرمایہ کار سعودی عرب میں سرمایہ کاری کی غرض سے ویزے کا حصول جب چاہیں گے ان کو بروقت ویزے فراہم کردیئے جائینگے۔ سرمایہ کاروں کو ویزے کی فراہمی 24گھنٹے میں کی جائے گی تاہم انہوں نے ویزوں کے اجراکامزید طریقہ کاربتانے سے انکارکردیا اورکہاکہ یہ تفصیلات جلد ہی ویزے جاری کرنے والی وزارتوں کی ویب سائیٹس پرجاری کردی جائینگی۔
