اسلام آباد(مانیٹرنگ ڈیسک) بی جے پی نے پاکستان کو دہشتگردی کا سرپرست ملک قرار دینے والے بل کی مخالفت کر دی۔ تفصیلات کے مطابق آزاد رکن پارلےمنٹ راجیو چندرا شیکھر کی جانب سے راجیہ سبھا میں پیش کئے گئے بل پر بھارتی حکومت نے مخالفت کا عندیہ دے دیا ہے۔ بھارتی میڈیا رپورٹس کے مطابق پاکستان کو دہشتگردی کا
سرپرست ملک قرار دلوائے جانے والے بل پر مرکزی وزیر داخلہ راج ناتھ سنگھ نےراجیہ سبھا سیکرٹریٹ کو حکومتی موقف سے آگاہ کرتے ہوئے بتایا ہے کہ حکومت اس بل کی مخالف ہے کیونکہ اس بل کی حمایت کرنے سے بین الاقوامی تعلقات خطرے میں پڑ سکتے ہیں۔
