اسلام آباد(مانیٹرنگ ڈیسک) پاکستان تحریک انصاف کے چیئرمین عمران خان کی سابق اہلیہ جمائما گولڈ سمتھ 60سالہ شخص کی شکایت لے کر عدالت پہنچ گئیں۔ تفصیلات کے مطابق آئر لینڈ سے تعلق رکھنے والا 60سالہ کانر اوماہونی گزشتہ 2سال سے جمائما گولڈ سمتھ کے پیچھے ہاتھ دھو کر پڑا ہوا ہے۔یہ شخص ٹوئٹر پر روزانہ کی بنیاد پر جمائمہ کو
پانچ عدد پیار بھرے پیغامات ارسال کرتا ہے اور خطوط بھی باقاعدگی سے لکھتا ہے۔ایک بار تو 60سالہ کانراوماہونی نے جمائمہ کے گھر ٹیکسی بھیج دی اور ڈرائیور کو ہدایت دی کہ خاتون کو لے کر فلاں ہوٹل میں پہنچ جائے ۔کانر کو کئی بار جمائمہ کے گھر کے چکر کاٹتے بھی دیکھا گیا ہے جبکہ وہ باقاعدگی سے جمائمہ کے لیکچرز بھی اٹینڈ کرتا ہے۔جمائما گولڈ سمتھ کی شکایت پر دو سال قبل اسے جمائما سے دور رہنے کی تلقین بھی کی جا چکی ہے مگر دھن کا پکا کانر اوماہونی جمائما کا پیچھا چھوڑنے پر رضامند نہ ہوا۔گزشتہ پیر کے روز جمائماگولڈ سمتھ کی عدالت میں کانر کے خلاف شکایت پر اسے جب طلب کیا گیا تو اسے نے اعتراف کرتے ہوئے کہا کہ’’ جمائمہ تو پگلی ہے جو بات بات پر احتجاج شروع کردیتی ہے، میں تو صرف ایک بار ہی تنگ کیا ہے‘‘۔کانراوماہونی کا کہنا تھا کہ چونکہ میں آئرلینڈ سے تعلق رکھتا ہوں اس لئے مجھے تعصب کا نشانہ بناتےہوئے انصاف فراہم نہیں کیا جائے گا۔عدالت نے فریقین کے وکلا کے دلائل سننے کے بعدسماعت اگلے ماہ کی13 تاریخ تک ملتوی کردی ہے۔
