کابل(آئی این پی)افغانستان نے وعدے پر عمل کردکھایا،اہم ترین گرفتاری کا اعلان،کمانڈرقاری سلیم کو ہلاک کرنے کا دعویٰ،افغان انٹیلی جنس این ڈی ایس نے پاکستان سے واپس آنے والے طالبان رہنما ملا نجیب کو گرفتار کرنے کا دعویٰ کیا ہے،ادھر مشرقی صوبہ غزنی میں امریکی ڈرون حملے مین طالبان کا اہم کمانڈر قاری سلیم مارا گیا ۔پیر کوافغان میڈیا کے مطابق این ڈی ایس کی طرف سے جاری بیان میں کہا گیا ہے

کہ گرفتار طالبان رہنما کی شناخت ملا نجیب کے نامسے ہوئی ہے جو 30جنگجو ؤں کی کمانڈ کررہا تھا۔این ڈی ایس کا دعویٰ ہے کہ ملا نجیب کو پاکستان کے سفر سے واپس پر لوگر صوبے سے گرفتار کیا گیا ۔دوسری جانب مشرقی صوبہ غزنی میں امریکی ڈرون حملے مین طالبان کا اہم کمانڈر قاری سلیم مارا گیا۔صوبائی فوجی ترجمان نے تصدیق کی ہے کہ اتوار کو ضلع ناوا میں طالبان کے ٹھکانے پر کیے گئے ڈرون حملے میں طالبان کمانڈر قاری سلیم ہلاک ہوگیا ہے ۔

موضوعات:افغانستان کمانڈرقاری سلیم