اسلام آباد(مانیٹرنگ ڈیسک)امریکہ کیلئے ایک اور پریشانی ،روس نے نئی طرز کےممنوعہ انتہائی مہلک کروز میزائل نصب کر دئیے۔ تفصیلات کے مطابق امریکی اخبار نیویارک ٹائمز نے اپنی ایک رپورٹ امریکی عہدیداروں کے حوالے سے دعویٰ کیا ہے کہ روس نے امریکہ کیساتھ آرمز کنٹرول

معاہدے کی خلاف ورزی کرتے ہوئے خفیہ طور پر نئی طرز کے انتہائی مہلک کروز میزائل نصب کر دئیے ہیں۔ رپورٹ میں بتایا گیا ہے کہ روس نے ممنوعہ کروز میزائل کی دو بٹالین تعینات کی ہیں جن میں ایک روس کے جنوبی علاقے ’’کاپوسٹن پار‘‘میں میزائل ٹیسٹ رینج پر موجود ہے جبکہ دوسری بٹالین دسمبر 2016میں کسی خفیہ آپریشن بیس پر منتقل کر دی گئی تھی۔