اسلام آباد(مانیٹرنگ ڈیسک)نیو جرسی کے شہری کو عدالت نےسگریٹ چرانے کا جرم ثابت ہونے پر5 سال قید کی سزا سنادی۔غیر ملکی خبر رساں ادارے کے مطابق شہری پہلے ہی سے تار چوری کے الزام میں 5 سال قید کی سزا بھگت رہا تھا۔قانون نافذ کرنے والے اداروں کوتفتیش کے دوران اینڈریو نامی شخص کا موبائل ڈیٹا چیک کرنے کے بعد معلوم ہوا کہ اس نے 2011 میں بھی ایک وئیر ہاؤس

سے 8000 سگریٹس کے کارٹن چوری کیے ہیں جس کی مالیت 5 لاکھ امریکی ڈالر بنتی ہے۔پولیس کو حاصل ہونیوالی سی سی ٹی وی فوٹیج میں بھی اسے چوری کرتے ہوئے دیکھا گیا تھا تاہم جرم ثابت ہونے پر عدالت نے اسے مزید پانچ سال کی سزا سنائی ہے۔