اسلام آباد (آئی این پی) پاکستان نے شمالی کوریا کے میزائل تجربے کی مذمت کرتے ہوئے کہا ہے شمالی کوریا کے میزائل تجربات سلامتی کونسل کی قراردادوں کی خلاف ورزی ہیں۔ شمالی کوریا کو علاقائی امن و سلامتی کے خلاف اقدامات سے گریز کرنا چاہئے۔ منگل کو ترجمان دفتر خارجہ نے اپنے بیان میں کہا کہ پاکستان شمالی کوریا کے میزائل تجربہ کی مذمت کرتا ہے پاکستان ہمیشہ سے
جوہری ہتھیاروں سے پاک کوریا کا حامی رہا ہے۔ شمالی کوریا کو علاقائی امن و سلامتی کے خلاف اقدامات سے گریز کرنا چاہئے۔ واضح رہے کہ ماضی میں پاکستان کے شمالی کوریا سے تعلقات دوستانہ رہے ہیں اور دونوں ممالک دفاعی ٹیکنالوجی میں بھی ساتھ چلتے رہے ہیں۔
